Танилцуулга

Бидний Тухай

2001 оны 1-р сар 9 гишүүн 1,1 сая төгрөгийн хувь хөрөнгөөр үүсгэн байгуулж, 2017 оны 12 сарын 31-нээр гишүүнтэй, 1369,8 сая төгрөгийн актив, 100,12 сая төгрөгийн хувь хөрөнгөтэй болж 17 жилийн турш үйл ажиллагаагаа тогтвортой явуулж байна. Монголын хадгаламж зээлийн үндэсний холбоо, Санхүүгийн зохицуулах хороо болон бусад Канадын хоршоологчдын холбоо нарын хэрэгжүүлж буй төсөл, хөтөлбөр, сургалтанд хамрагдаж ирсэн.

ХЗХ-ны хөдөлгөөн 1990-ээд оны сүүлээр Монгол улсад анх үүссэнээс хойш ХЗХ олноор байгуулагдаж тоо нь мянгад дөхөж байсанч 2005-2006 онуудад хүндхэн хямрал тулгарч тэдгээрийн ихэнх нь хаалгаа барьж, ХЗХ-ны нэр хүнд унахад хүрч байсан билээ. Улс орон даяар тохиолдсон ХЗХ-дын хөдөлгөөний энэхүү хямралыг амжилттай даван гарч, одоо 1500 орчим гишүүнтэй 3,0 тэрбум төгрөгийн хөрөнгөтэй, үйл ажиллагаа нь тогтворжсон Монголын томоохон ХЗХ-дын нэг болж чадсандаа нэн баяртай байгаагаа энд дурдахад таатай байна.

Манай хоршоо нь зөвхөн гишүүдийнхээ хувь хөрөнгө, хадгаламжинд суурилан ажилладаг байсан бол 2015 оноос “Бичил бизнесийг дэмжих, ядуурлыг бууруулах нийслэлийн хөтөлбөр”-ийн хэрэгжүүлэгч болсон нь үйл ажиллагаагаа төсөл хөтөлбөр, гадаад хамтын ажиллагаагаар эрчимтэй өргөжин тэлэх үндсийг тавилаа.