2026 оны 11 дүгээр сарын 7-ны өдөр гишүүдийн дунд дартс, ширээний теннисний эрэгтэй, эмэгтэй төрлөөр спортын нөхөрсөг тэмцээн зохион байгуулагдлаа. Тэмцээнд гишүүд идэвхтэй оролцон нэгэн өдрийг нөхөрсөг, халуун дулаан уур амьсгалд өнгөрүүллээ. Хүрэлцэн ирж, оролцсон нийт гишүүд, гэр бүлийнхэндээ баярлалаа!
Азийн хадгаламж зээлийн хоршоодын холбоо болон Монголын хадгаламж зээлийн хоршоодын үндэсний холбоо хамтарсан олон улсын түвшний ХЗХ-дын чадавхжуулах сургалтад манай хоршооны Гүйцэтгэх албаны 2 ажилтан хамрагдаж, мэдлэг, туршлагаа өргөжүүллээ.
КЮМ ХЗХоршоо 2026 оны 10 дугаар сарын 17-ны өдөр гишүүддээ “Нүүдэлчдийн Бясалгал” төвтэй хамтран сургалт зохион байгууллаа. Оролцогчид амьсгал, төсөөлөл, төвлөрлийн аргачлалуудтай танилцаж, өдөр тутмын ачааллаас түр холдон, өөртөө цаг гаргаж, хамтдаа суралцлаа. Сургалтад оролцсон гишүүддээ болон хамтран ажилласан “Нүүдэлчдийн Бясалгал” төвийн хамт олонд талархал илэрхийлье!
КЮМ ХЗХоршоо-ны гишүүд 2026 оны 9 дүгээр сарын 19-ний өдөр Тэрэлжийн үзэсгэлэнт байгальд нэг өдрийн морин аялалд оролцлоо. Аялагчид хотын завгүй хэмнэлээс түр холдон, намрын байгальд морь унаж, хамтдаа чөлөөт цагаа идэвхтэй өнгөрүүлэн, шинэ дурсамж бүтээлээ. Аялалдаа оролцсон нийт гишүүддээ баярлалаа!
Санхүүгийн зохицуулах хороо болон БНСУ-ын Санхүүгийн хяналт шалгалтын агентлагийн төлөөлөгчид КЮМ ХЗХ-д зочилж, хамтын ажиллагааг өргөжүүлэх, туршлага солилцох сургалт зохион байгууллаа. Сургалтаар санхүүгийн хяналт шалгалтын тогтолцоо болон шинээр үүсэж буй эрсдэлийн талаар мэдээлэл, туршлага солилцов.